ఇంటెల్‌కు మరో దెబ్బ.. మళ్లీ లీకైన ప్రాసెసర్

లీకులు అనేవి అన్ని చోట్ల కామన్ అయిపోయాయి. సంస్థ నుంచి అధికారికంగ రావాల్సిన ప్రొడక్ట్స్ మార్కెట్లోకి ముందే వచ్చేస్తున్నాయి. అలా ఇంటెల్ ప్రాసెసర్‌లు మార్కెట్లోకి ముందే లీకైపోతోన్నాయి. ఇంతకు ముందు కోర్ i9-11900K(Core i9-11900K)కూడా జర్మని‌లో లీక్ అయిన విషయం తెలిసిందే. కానీ ఇప్పుడు ఇంటెల్ సంస్థ అధికారికంగా మార్కెట్లోకి విడుదల చేయకముందే కొందరి చేతుల్లోకి అడ్వాన్స్డ్ వర్షన్ వచ్చేసింది.

మార్కెట్లో ఇంటెల్ కోర్ i9-12900K(intel core i9-12900K) అల్డర్ లేక్ ప్రాసెసర్లు వచ్చేశాయి. దీంట్లో సీపీయూ క్లాక్ స్పీడ్ 3.2 GHz – 5.2 GHzగా ఉందని తెలుస్తోంది. 16 కోర్‌తో రానున్న ఈ సీపీయూ 24 త్రెడ్స్‌తో ఉంటుంది. దానితో పాటు 30ఎంబీ ఎల్3 కూడా ఉంటుంది. ఈ ప్రాసెసర్ 125 వాట్స్ పవర్ తీసుకుంటుంది. DDR5 తో పాటు PCIe Gen 5 ని కూడా సపోర్ట్ చేసే ఈ ప్రాసెసర్, ప్రస్తుతం ఇంటెల్ Z690 ఇంటెల్ H670, ఇంటెల్ B660, ఇంటెల్ H610 మదర్ బోర్డ్స్‌కి పరిమితం అయింది. దీని ధర మాత్రం $670 డాలర్లు అంటే అక్షరాల 50 వేల రూపాయలన్న మాట. ఈ అల్డర్ లేక్ ప్రాసెసర్ నవంబర్ 4 తేదీ నుంచి అందుబాటులోకి రానుంది.