సెమీస్ సమీకరణాలు.. భారత్‌కు చోటు దక్కేనా?

టీ20 వరల్డ్ కప్ మ్యాచ్‌లో సెమీస్‌కు వెళ్లేందుకు భారత్‌కు ఇంకా అవకాశం ఉందన్న సంగతి తెలిసిందే. అయితే దీని కోసం ఓ అద్భుతం జరగాల్సి ఉంది. ఆదివారం జరిగే న్యూజిలాండ్ ఆఫ్గాన్ మ్యాచ్‌లో విచిత్రం జరగాలి. ఆఫ్గాన్ గెలవాలి. న్యూజిలాండ్ ఓడాలి. అప్పుడే మనం సెమీస్‌కు చేరుకునే అవకాశం ఎక్కువగా ఉంటుంది. ఆఫ్గాన్ విజయం కోసం ఇప్పుడు భారతీయులు ఎంతగానో ఎదురుచూస్తున్నారు. మరి అది ఎంత వరకు జరుగుతుందో చూడాలి.

ఒక వేళ న్యూజిలాండ్ గెలిస్తే మనం తట్టాబుట్టా సర్దుకుని రావాల్సిందే. ఇంకో మాట మాట్లాడుకోవడానికి వీలుండదు. కానీ ఒకవేళ ఏదైనా అద్భుతం జరిగి సెమీస్‌లోకి భారత్ అడుగుపెడితే కథ వేరేలా ఉంటుంది. ఇప్పటికే గ్రూప్ 2 నుంచి పాకిస్థాన్ సెమీస్‌లోకి వెళ్లింది. మరి న్యూజిలాండ్, ఆఫ్గాన్, భారత్ పరిస్థితి రేపు జరిగే మ్యాచ్‌తోనే మారిపోబోతోంది.