T20 World Cup : వాటిపై ఓడింది.. ఆఫ్గాన్ మీద గెలిచింది

టీ20 ప్రపంచ కప్‌లో మొదటి మ్యాచ్ భారత్ గెలిచింది. కానీ ఈ విజయాన్ని ఎవ్వరూ పట్టించుకోవడం లేదు. పైగా ఈ గెలుపును కూడా కొందరు ట్రోల్ చేస్తున్నారు. అంటే పాకిస్థాన్, న్యూజిలాండ్ మీద ఓటమిని అభిమానులు ఇంకా మరిచిపోలేదనుకుంటా. ఆ ఓటమిని క్రికెట్ ఫ్యాన్స్ జీర్ణించుకోలేకపోతోన్నారు. అందుకే ఆఫ్గాన్ మీద గెలిచినా కూడా సంతోషంగా లేరు. పైగా ఆఫ్గాన్ లాంటి వాటి ప్రతాపం చూపించారు.. ఇంతకు ముందు ఏమైందంటూ నానా రకాలుగా కామెంట్లు చేస్తున్నారు.

బుధవారం రాత్రి జరిగిన ఈ మ్యాచ్‌లో బౌండరీల మోత మోగించారు. అదే న్యూజిలాండ్ మ్యాచ్‌లో ఒక్క బౌండరీ కొట్టడానికి కిందా మీదా పడిపోయారు. రోహిత్ శర్మ, కేఎల్ రాహుల్ అర్ధశతకాలు బాదేసి ఇంకా గ్రీసులో నిలబడ్డారు. తొలి వికేట్ నష్టానికే 140 పరుగులు చేశారు. మొత్తంగా మన వాళ్లు రెండు వికెట్ల నష్టానికి 210 రన్స్ చేశారు. అనంతరం కట్టుదిట్టమైన బౌలింగ్‌తో ఆఫ్గాన్‌ను ఏడు వికెట్ల నష్టానికి 147 వద్దే కట్టడి చేశారు. అలా మొత్తంగా 66 పరుగుల తేడాతో ఇండియా గెలిచింది.