- November 17, 2022
అందుకే ‘స్టార్ మా’కు వెళ్లాను.. ఆన్ స్క్రీన్ రొమాన్స్ నాకు నచ్చదు.. సుడిగాలి సుధీర్
‘మళ్లీ రావా’, ‘ఏజెంట్ సాయి శ్రీనివాస ఆత్రేయ’ వంటి విజయవంతమైన చిత్రాల తర్వాత స్వధర్మ్ ఎంటర్‌టైన్‌మెంట్ బ్యానర్‌లో నిర్మాత రాహుల్ యాదవ్ నక్కా నిర్మించిన మూడో చిత్రం ‘మసూద’. హారర్-డ్రామాగా తెరకెక్కిన ఈ చిత్రంతో సాయికిరణ్ దర్శకుడిగా పరిచయం అవుతున్నారు. ఈ చిత్రంలో సంగీత, తిరువీర్, కావ్య కళ్యాణ్ రామ్ వంటి వారు ముఖ్య పాత్రలను పోషించారు. అన్ని కార్యక్రమాలు పూర్తి చేసుకున్న ఈ చిత్రం నవంబర్ 18న ప్రపంచవ్యాప్తంగా గ్రాండ్‌గా విడుదల కాబోతోంది. ఈక్రమంలో చిత్రయూనిట్ మీడియాతో ముచ్చటించింది. ఆ విశేషాలివే..
సుడిగాలి సుధీర్ హీరోగా న‌టిస్తోన్న పక్కా మాస్అండ్‌యాక్ష‌న్ ఎంటర్టైనర్ `గాలోడు`. గెహ్నా సిప్పి హీరోయిన్‌గా న‌టిస్తోన్న ఈ చిత్రానికి రాజ‌శేఖ‌ర్ రెడ్డి పులిచ‌ర్ల ద‌ర్శ‌క‌త్వం వ‌హించారు. ప్ర‌కృతి స‌మ‌ర్ప‌ణ‌లో సంస్కృతి ఫిలింస్ ఈ చిత్రాన్ని నిర్మిస్తోంది.ఇప్ప‌టికే విడుద‌లైన టీజర్, ట్రైలర్‌లకు విశేషమైన స్పందన లభించింది. ఈ చిత్రం నవంబర్ 18న విడుదలవుతోన్న సందర్భంగా హీరోయిన్ గెహ్నా సిప్పి మీడియాతో ముచ్చటించారు. ఆ విశేషాలివే
గాలోడు కథ నాకు చాలా నచ్చింది. నా పాత్ర తీరు కూడా బాగుంటుంది. అందుకే సినిమాను ఒప్పుకున్నాను.ఊర్లో పనీ పాట లేకుండా తిరిగే వ్యక్తి సమస్యల్లో పడి సిటీకి రావడం, మళ్లీ సిటీలో ఇంకో సమస్యలో చిక్కుకోవడం, ఈ మధ్యలో ప్రేమ కథ ఉంటుంది.. చిన్న చిన్న టిస్టులతో మంచి మాస్ కమర్షియల్ అంశాలతో ఈ సినిమా వస్తోంది.
గాలోడు కొత్త కథ అని చెప్పను గానీ.. మంచి మాస్ కమర్షియల్ అంశాలన్నీ ఉంటాయి. చిన్నతనం నుంచి మాస్ సినిమాలంటే ఇష్టం, చిరంజీవి, రజనీకాంత్ గారి సినిమాలు ఎక్కువగా చూసేవాడిని. మా మాస్ ఆడియెన్స్‌ని మెప్పించేందుకు ఈ సినిమాను చేశాను.
కథకు తగ్గట్టుగానే ఈ సినిమా టైటిల్‌ను పెట్టాం. కాలేజ్‌లో గాలోడు చేష్టలు చేస్తుంటాం. ఈ పాత్రను చూస్తేనే గాలోడులా అనిపిస్తుంది. కొన్ని సీన్లు నేను సుధీర్‌లా ఆలోచించి.. వద్దని అనేవాడ్ని. కానీ గాలోడు అలానే చేస్తాడు అని మా డైరెక్టర్‌ చెప్పేవారు. ఆడవాళ్లను కొట్టే సీన్‌లో నేను కాస్త ఆలోచిస్తే.. గాలోడు అలానే ఉంటాడు అని నన్ను కన్విన్స్ చేశారు. కానీ ఆ సీన్‌లను సెన్సార్ వాళ్లు కూడా ఒప్పుకోలేదు. ఆన్ స్క్రీన్ మీద రొమాన్స్ చేయడం, సిగరెట్లు తాగడం కూడా నాకు నచ్చదు.
సుధీర్ అంటే కామెడీ ఇమేజ్ ఉంది. మాస్ ఆడియెన్స్‌కి కూడా సుధీర్ అంటే ఇష్టమే. పూర్తి కమర్షియల్ సినిమా చేయాలనే ఉద్దేశ్యంతోనే గాలోడు చేశాను. ప్రయోగాలు చేస్తుండాలని అందరూ చెబుతుంటారు. ఇమేజ్ మార్చే సినిమా వస్తే ప్రయత్నం చేయాలి. జనాలు చూస్తారా? లేదా? అన్నది తరువాత. కానీ మనం మాత్రం ప్రయత్నం చేయాలి.
కరోనా నుంచి జనాల మైండ్ సెట్ మారింది. సినిమాలు చూసే తీరు మారింది. థ్రిల్లింగ్ పాయింట్ ఉంటేనే చూడాలని అనుకున్నారు. కానీ ఈ చిత్రం కరోనా కంటే ముందు మొదలుపెట్టాం. మేం కథను నమ్మాం. కథలో ఎలాంటి మార్పులు చేర్పులు చేయలేదు. ముందు ఏం అనుకున్నామో అదే చేశాం. ఫస్ట్ షెడ్యూల్‌లో ఇంట్రడక్షన్ సీన్, ఆ తరువాత క్లైమాక్స్ తీశాం. తరువాత లాక్డౌన్ పెట్టారు. కథలో అయితే ఎలాంటి మార్పులు చేయలేదు. మేం పూర్తిగా కథను నమ్మాం.
మార్కెట్ రేంజ్‌ గురించి నాకు తెలీదు. కానీ ఏ నిర్మాతకు కూడా డబ్బులు పోకూడదని నేను కోరుకుంటున్నాను. సినిమాను కొన్న ప్రతీ ఒక్కరికీ నష్టం రాకూడదని అనుకుంటాను. నిర్మాతలు, డిస్ట్రిబ్యూటర్లు బాగుంటే చాలు. ఈ సినిమాను ఎంతలో తీశారు.. ఎంత పెట్టారు అనే విషయాలు నాకు తెలీదు. నిర్మాత, డిస్ట్రిబ్యూటర్లకు లాభాలు వస్తే చాలని అనుకుంటాను.
హీరోగా కంటే నేను ఎంటర్టైనర్ అని అనిపించుకునే దానిలో నాకు ఎక్కువ సంతోషం ఉంటుంది. కమెడియన్, హీరో అనిపించుకోవాలని నాకు లేదు.
నాకు మాస్ జానర్ అంటే ఇష్టం. ట్విస్టులుండే కథలంటే కూడా ఇష్టమే. కథలు నచ్చితే సినిమా చేస్తాను.
ఢీ షో తరువాతే సినిమా అవకాశాలు వచ్చాయి. అక్కడ డ్యాన్సులు, మ్యాజిక్, కామెడీ చేయడంతో సినిమా ఆఫర్లు వచ్చాయి. ట్రై చేద్దామని కొంత మంది వచ్చారు. ఎదుటివాళ్లే నన్ను నమ్మినప్పుడు.. నాపై నాకు కూడా నమ్మకం ఉండాలి కదా? అని సినిమాలను అంగీకరించాను. అలా అని సినిమాలే కాదు.. బుల్లితెరపై కూడా షోలు చేస్తుంటాను.
ఇమేజ్ ఛట్రంలో ఇరుక్కుంటే స్మాల్ స్క్రీన్, సిల్వర్ స్క్రీన్ అని తేడా ఉంటుంది. కానీ నాకు అలా లేదు. మ్యాజిక్ షో చేయమని అడిగారు. చేస్తాను అని అన్నాను. అలానే షోలు అడిగితే కూడా చేస్తాను.
ముందుగా ఈ కథను రష్మీ గౌతమ్ గారికే చెప్పారు. ఆమె డేట్స్ కుదరలేదు. సాఫ్ట్ వేర్ సుధీర్ కథను కూడా ఆమెకే చెప్పారనే అనుకుంటున్నాను. కానీ ఈ కథ అయితే చెప్పారు. కానీ ఆమె డేట్స్ కుదర్లేదు. మేం ఇద్దరం కలిసి చేయాలని అనుకుంటున్నాం. మంచి కథ దొరికితే మాత్రం కచ్చితంగా చేస్తాం.
ఎప్పుడేం జరుగుతుందో చెప్పలేం. ఉన్నన్నీ రోజులు నవ్వుతూ, నవ్విస్తూ ఉండాలని అనుకుంటాను. అది వెండితెర అయినా, బుల్లితెర అయినా పర్లేదు. అందర్నీ నేను నవ్విస్తూ ఉండాలని భావిస్తాను.
ఇండస్ట్రీలో అందరూ నన్ను ఫ్యామిలీలా చూస్తారు. టీవీ ఆర్టిస్ట్ అన్న కోణంలో నన్ను చూడలేదు. వారిలో ఒకరిలానే నన్ను చూస్తుంటారు.
ఆన్ స్క్రీన్ కెమిస్ట్రీ అంటే నాకు అంతగా ఇష్టం ఉండదు. రష్మీ గారికి నాకు ఎందుకు అలా కుదిరిందంటే.. మేం ఇద్దరం పట్టుకోం.. ముట్టుకోం. కళ్లతోనే మా భావాలు చెప్పేందుకు ప్రయత్నిస్తుంటాం. ఆన్ స్క్రీన్ మీద రొమాన్స్ మాత్రం వద్దని చెబుతాను. కానీ డైరెక్టర్‌కు నేను చెప్పే పొజిషన్‌లో లేను. ఆ స్థాయికి వచ్చినప్పుడు మాత్రం కచ్చితంగా అలాంటివి వద్దని చెబుతాను.
కథను పాయింట్‌గా విన్నప్పుడు ఎలాంటి ఎగ్జైటింగ్ అనిపిస్తుందో.. పూర్తి కథ విన్నప్పుడు కూడా అలాంటి ఎగ్జైట్మెంట్ అనిపించాలి. కాలింగ్ సహస్ర అలాంటి కథే. లవ్ స్టోరీ, థ్రిల్లింగ్ అన్ని మూమెంట్స్ ఉంటాయి. ఆ కథను నన్ను ఎగ్టైజ్ చేసింది. అందుకే ఈ చిత్రాన్ని ఒప్పుకున్నాను.
జబర్దస్త్ స్టేజ్‌ను మిస్ అవుతుంటాను. కానీ నేను ఆ గ్యాప్ అడిగి తీసుకున్నదే. మళ్లీ వస్తున్నాను అని ఫోన్ చేసి చెప్పాను. ఏ షోకు రావాలనే వారు చర్చించుకుంటున్నాను. పిలిచిన వెంటనే మళ్లీ వస్తాను. నేను రావడానికి రెడీగా ఉన్నాను అని చెప్పాను. ఆరు నెలలు బ్రేక్ తీసుకుంటాను అని చెప్పా. ఇప్పుడు వచ్చేందుకు రెడీగా ఉన్నాను అని చెప్పా. ఆఫీస్ బాయ్‌గా ఖాళీగా ఉందని చెప్పినా నేను చేస్తాను.
నాకున్న ఆర్థిక భారం వల్లే వేరే చానెల్‌కు వెళ్లాను. వాళ్లు కూడా ఒప్పుకున్నారు. మళ్లీ వస్తాను అని చెప్పాను. వాళ్లు కూడా ఓకే అన్నారు. మల్లెమాలలో అయితే నాకు ఎప్పుడూ ఏ ఇబ్బంది కలగలేదు. ఎవరికి ఏ ఇబ్బంది కలిగిందో నాకు అయితే తెలీదు.
గాలోడు టీజర్, ట్రైలర్ వచ్చిన తరువాత.. చాలా మంది ప్రశంసలు కురిపించారు. ఇన్నాళ్లకు ఓ సినిమా చేసినట్టుగా ఉంది.. హీరోగా అనిపించింది అని చాలా మంది అన్నారు. అదే నాకు బిగ్గెస్ట్ కాంప్లిమెంట్. రాం ప్రసాద్ గారి కెమెరాపనితనం, భీమ్స్ గారి సంగీతం, మా దర్శక నిర్మాత రాజ‌శేఖ‌ర్ రెడ్డి వల్లే ఇదంతా సాధ్యమైంది. ఈ సినిమా కోసం ప్రతీ ఒక్కరూ రక్తంధారపోసి పని చేశారు.
ఇప్పటి వరకు రకరకాల సినిమాలు చూశాం. కంటెంటె ఓరియెంటెడ్ చిత్రాలు చూశాం. కానీ నాలాంటి మాస్ ఆడియెన్స్ పక్కా మాస్ చిత్రాలను మిస్ అవుతుంటారు. అలాంటి వారి కోసమే ఈ గాలోడు చిత్రం. ఈ చిత్రం కచ్చితంగా మాస్ ఆడియెన్స్‌ను నిరాశపర్చదు.