Bigg Boss: శ్వేత బయటకు లోబో లోపలకు.. అనుకున్నట్టే జరిగిందిగా!!

బిగ్ బాస్ ఐదో సీజన్ టీం నవ్వుల పాలు అవుతోంది. గత సీజన్లో వాడిన ట్రిక్కులను వాడేస్తోంది. కానీ కొత్తగా ఆలోచించడం లేదు. నిన్న సాయంత్రం ప్రోమో వదిలిన క్షణం నుంచి బిగ్ బాస్ టీంను నెటిజన్లు దారుణంగా ఆడుకుంటున్నారు. పది మంది నామినేషన్లోకి వచ్చారు.. ఆరో వారం గడుస్తోంది. ఇక డబుల్ ఎలిమినేషన్ అనే ట్విస్ట్ ఇస్తాడని అంతా ఊహించారు.

దానికి తగ్గట్టే ఓ ప్లాన్ వేశాడు. లోబోను ఇంటి నుంచి బయటకు పంపిస్తున్నట్టుగా డ్రామాలు ఆడారు. ఈ డ్రామాలను నెటిజన్లు ప్రోమోతోనే పసిగట్టారు. బయటకు ఎలిమినేట్ చేసేంత సీన్ లేదు.. సీక్రెట్ రూంలోకి పంపిస్తారని ఆ మాత్రం తెలియదా? మేం కూడా గత సీజన్లు ఫాలో అయ్యాం అంటూ పరువుతీసేస్తున్నారు. మొత్తానికి నిన్నటి ఎపిసోడ్‌లో లోబోను బయటకు తీసుకొచ్చారు.

కంటెస్టెంట్లకు అది ఎలిమినేషన్. కానీ ప్రేక్షకులు అది సీక్రెట్ రూం అని తెలుసు. ఇంటి సభ్యుల్లో కూడా కొంతమందికి ఇది తెలిసే ఉంటుంది. కానీ వారు మాత్రం అలా బయటపడలేరు కదా. ఇక ఆదివారం నాడు జరగబోయే ఎపిసోడ్‌లో శ్వేతా వర్మ ఎలిమినేట్ కాబోతోంది. ఆమె ఒక టిపికల్ కారెక్టర్. ఎప్పుడు ఎలా ప్రవర్తిస్తోందో ఆమెకు కూడా తెలియదు. అందుకే జనాలు ఆమెను బయటకు పంపించేస్తున్నారు. ఇన్ని వారాలు నామినేషన్‌లోకి రాకపోవడంతో శ్వేత బతికిపోయింది. మొత్తానికి శ్వేత ఇంటి నుంచి బయటకు.. లోబో ఇంట్లోని సీక్రెట్ రూంకు వెళ్లిపోతారు.