Saya Saya : లక్ష్య ప్రమోషన్స్.. నాగ శౌర్య కోసం నాగ చైతన్య

Saya Saya  యంగ్ అండ్ వర్సటైల్ యాక్టర్ నాగ శౌర్య వరుడు కావలెను సినిమాతో సక్సెస్ కొట్టారు. స్పోర్ట్స్ డ్రామా నేపథ్యంలో నాగ శౌర్య హీరోగా రాబోతోన్న ‘లక్ష్య’ సినిమాతో సంతోష్ జాగర్లపూడి దర్శకుడిగా పరిచయం కాబోతోన్నారు. ఈ మూవీ ట్రైలర్‌ను విక్టరీ వెంకటేష్ విడుదల చేయగా.. సినిమా మీద అంచనాలు రెట్టింపు అయ్యాయి.

యువ సామ్రాట్ అక్కినేని నాగ చైతన్య ‘సయ సయ’ అనే పాటకు సంబంధించిన లిరికల్ వీడియోను నేడు విడుదల చేశారు. ఇందులో నాగ శౌర్య, కేతిక శర్మ మధ్య రొమాంటిక్ యాంగిల్‌ను చూపించారు. హీరోహీరోయిన్ల కెమిస్ట్రీ చక్కగా కుదిరింది. కృష్ణ కాంత్ మంచి సాహిత్యాన్ని అందించగా.. కాళ భైరవ క్యాచీ మెలోడి ట్యూన్ అందరినీ ఆకట్టుకునేలా ఉంది. ఇక జునైద్ కుమార్ గాత్రం చక్కగా కుదిరింది. ఈ పాటలో నాగ శౌర్య, కేతిక శర్మలు ఎంతో అందంగా కనిపిస్తున్నారు.

జగపతి బాబు, సచిన్ ఖేడేకర్ కీలక పాత్రల్లో కనిపించబోతోన్నారు. సోనాలి నారంగ్ సమర్ఫణలో శ్రీవెంకటేశ్వర సినిమాస్ ఎల్ఎల్‌పి, నార్త్ స్టార్ ఎంటర్టైన్మెంట్ ప్రై. లి. బ్యానర్లపై నారాయణ్ దాస్ కే నారంగ్, పుస్కర్ రామ్ మోహన్ రావు, శరత్ మరార్ సంయుక్తంగా నిర్మిస్తున్నారు. డిసెంబర్ 10న ప్రపంచవ్యాప్తంగా లక్ష్య విడుదల కాబోతోంది.