• January 25, 2024

ETV విన్ సహకారంతో డ్రీమ్ ఫార్మర్స్ ప్రొడక్షన్ నెం.4 పూజా కార్యక్రమాలతో నేడు ప్రారంభం

ETV విన్ సహకారంతో డ్రీమ్ ఫార్మర్స్ ప్రొడక్షన్ నెం.4 పూజా కార్యక్రమాలతో నేడు ప్రారంభం

    ప్రియమణి నటించిన భామాకలాపం ఫ్రాంచైజీ, విశ్వక్ సేన్ అశోక వనంలో అర్జున్ కళ్యాణం సినిమాలతో డ్రీమ్ ఫార్మర్స్ బ్రాండ్ పెరిగింది. అలాంటి ప్రొడక్షన్ కంపెనీ నుంచి మరో కొత్త చిత్రం రాబోతోంది. ఈరోజు ఆ క్రేజీ ప్రాజెక్ట్‌ను ప్రారంభించారు. ఈటీవీ విన్‌ సహకారంతో డ్రీమ్‌ ఫార్మర్స్‌ బ్యానర్‌పై బాపినీడు & సుధీర్‌ ఈదర ఈ చిత్రాన్ని నిర్మిస్తున్నారు.

    ఈ ప్రాజెక్ట్‌లో సీనియర్ నటుడు నరేష్ విజయ్ కృష్ణ, రాగ్ మయూర్, ప్రియా వడ్లమాని ప్రధాన పాత్రలు పోషించనున్నారు. లెజెండరీ కమెడియన్, నటుడు బ్రహ్మానందం గారు కీలక పాత్రలో నటిస్తున్నారు. గురువారం (జనవరి 25) నాడు అంగరంగ వైభవంగా పూజా కార్యక్రమాలతో ఈ ప్రాజెక్టును అధికారికంగా ప్రారంభించారు.

    ఈ కార్యక్రమంలో దర్శకులు రవికిరణ్ కోలా, రాధా కృష్ణ, భరత్ కమ్మ తదితరులు పాల్గొన్నారు. క్రియేటివ్ ప్రొడ్యూసర్ తన్మయ్ కెమెరా స్విచ్ ఆన్ చేయగా, చిత్రనిర్మాత రాధ క్లాప్‌ కొట్టారు. ఈ చిత్రానికి అనురాగ్ పాలుట్ల దర్శకత్వం వహిస్తున్నారు. ఈ చిత్రానికి ఆర్ హెచ్ విక్రమ్ సంగీతం అందిస్తుండగా అంకుర్ సి సినిమాటోగ్రఫర్‌గా పని చేస్తున్నారు. హరీష్ శంకర్ టిఎన్ ఎడిటింగ్ బాధ్యతలు నిర్వహిస్తున్నారు.

    ఈ ప్రాజెక్ట్‌కు సంబంధించిన మరిన్ని వివరాలు త్వరలో వెల్లడి కానున్నాయి.

    ETV విన్ గురించి..

    2019లో ప్రారంభించబడిన ETV విన్ వైవిధ్యమైన కంటెంట్‌ను అందిస్తూ అన్ని రకాల ఎంటర్టైన్మెంట్‌ కార్యక్రమాలను ఒకే వేదికపైకి తీసుకొచ్చింది. ఆకర్షణీయమైన ప్లాట్‌ఫారమ్‌గా వేగంగా స్థిరపడింది. ఈ యాప్ ప్రారంభం నుంచీ ప్రేక్షకులకు సాటిలేని వినోద అనుభవాన్ని అందిస్తున్నారు.