Bigg Boss 5 Telugu : నాగిని డ్యాన్స్ దెబ్బ కొట్టిందా?.. మొత్తానికి వికెట్ అవుట్

బిగ్ బాస్ ఇంట్లో ఎప్పుడు ఏం జరుగుతుందో ఎవ్వరూ ఊహించలేం. పదకొండో వారంలో ప్రియాంక, ఆనీ మాస్టర్‌లోంచి ఎవరో ఒకరు ఎలిమినేట్ అవుతారని ముందు నుంచి అంతా అనుకున్నారు. అయితే ఎక్కువగా ప్రియాంక బయటకు వెళ్తుందని ఊహించారు. కానీ ఆనీ మాస్టర్ వింత చేష్టలతో మొదటికే మోసం వచ్చినట్టుంది. ఈ పదకొండొ వారంలో మొత్తానికి ఆనీ మాస్టర్ బయటకు వచ్చింది.

ఆనీ మాప్టర్ చేష్టలు, ఆమె అరుపులు, ప్రతీ దానికి అర్థం పర్థం లేకుండా అరవడం, గ్రూపు గ్రూపు అంటూ ఎప్పుడూ మానస్, సన్నీ, కాజల్‌ల మీద పడి ఏడ్వడం, కాజల్‌ను మరీ శ్రుతీ మించి కించపర్చడం వంటి విషయాలతో ఆనీ మాస్టర్‌కు నెగెటివ్ ఇమేజ్ వచ్చినట్టు అనిపిస్తోంది. దీంతోనెటిజన్లు ముందుగా ఆనీ మాస్టర్‌ను బయటకు పంపించేసినట్టు తెలుస్తోంది. ఆనీ మాస్టర్ ఎలిమినేట్ అయిపోయిందనే లీకులు బయటకు వచ్చాయి.

ఇక ఈ పదకొండు వారాల్లో ఆనీ ఒకసారి కెప్టెన్‌గా గెలిచింది. ప్రతీ వారంలో కెప్టెన్ అయ్యేందుకు ఆనీ కష్టపడింది. ఆటలు కూడా బాగానే ఆడింది. కానీ చివరకు ప్రేక్షకులు మాత్రం ఆమెను తిరస్కరించేశారు. ఎలిమినేట్ చేశారు. దీంతో ఆనీ మాస్టర్ కథ బిగ్ బాస్ ఇంట్లో ముగిసింది. ఇక రేపు అంటే ఆదివారం నాడు ఎపిసోడ్‌లో ఆనీ మిగతా ఇంటి సభ్యుల గురించి ఎలాంటి కామెంట్లు చేస్తుందో చూడాలి.