Project K : ఇండియన్ సినీ హిస్టరీలోనే భారీ సెట్!.. ప్రభాస్ రేంజ్ ఇదే

పాన్ ఇండియన్ స్టార్ ప్రభాస్ మహానటి దర్శకుడు నాగ్ అశ్విన్ కలిసి ప్రాజెక్ట్ కే అనే భారీ సినిమాను చేస్తున్నారు. ఇందులో బాలీవుడ్ క్వీన్ దీపికా పడుకోణె నటిస్తున్నారు. ఇండియన్ మెగాస్టార్ అమితాబ్ బచ్చన్ ముఖ్య పాత్రను పోషిస్తున్నారు.

ప్రస్తుతం రామోజీ ఫిల్మ్ సిటీలో వేసిన భారీ సెట్‌లో ప్రభాస్ దీపికా పడుకోణె మధ్య కొన్ని సీన్లను తెరకెక్కిస్తున్నారు. ఇండియన్ సినిమాల్లో కెల్లా అత్యంత భారీ వ్యయంతో కొత్త ప్రపంచాన్ని సెట్‌గా రూపొందించారు. ప్రభాస్ దీపికా పడుకోణెల మీద మొదటి షాట్‌ను తీశారు. ఈ మేరకు చిత్రయూనిట్ ఓ వీడియోను విడుదల చేశారు. ఇందులో దీపికా పడుకోణె ప్రభాస్ చేతులు కలిపారు. ఇండియాలోని బిగ్గెస్ట్ స్టార్స్‌ను ఒకే చోటకు నాగ్ అశ్విన్ తీసుకొచ్చేందుకు అద్భుతమైన కథను రాశారు.

మహానటి సావిత్రి జీవిత చరిత్ర ఆధారంగా తెరకెక్కించిన మహానటికి ఎన్నో జాతీయ అంతర్జాతీయ అవార్డులు వచ్చాయి. వైజయంతీ మూవీస్ అధినేత నిర్మాత అశ్వనీదత్‌కు ప్రాజెక్ట్ కే చిత్ర చిరకాలంగా గుర్తుండిపోతుంది. ప్రస్తుతం ఇండియన్ సినిమా ఇండస్ట్రీలో టాప్ స్టార్స్ అయిన అమితాబ్ బచ్చన్, ప్రభాస్, దీపికా పడుకోణె వంటి వారు నాగ్ అశ్విన్ వంటి టాలెంటెడ్ డైరెక్టర్‌తో కలిసి సినిమా చేస్తున్నారంటే కచ్చితంగా సినీ ప్రేమికులకు ఇది వరకెన్నడూ కలగని అనుభూతిని పొందుతారు.