‘క’ మేకర్ల నుంచి న్యూఏజ్‌ కాన్సెప్ట్‌ చిత్రం ‘శ్రీ చిదంబరం’ టైటిల్‌ గ్లింప్స్‌ విడుదల

కిరణ్‌ అబ్బవరం హీరోగా రూపొందిన ‘క’ చిత్రం ఎంతటి సన్సేషనల్‌ బ్లాక్‌బస్టర్‌ హిట్‌ చిత్రంగా నిలిచిందో అందరికి తెలిసిందే. ఇప్పుడు ‘క’ చిత్రాన్ని నిర్మించిన మేకర్స్‌ మరో డిఫరెంట్‌ అండ్‌ న్యూ ఏజ్‌ కాన్సెప్ట్‌ ఫిల్మ్‌తో రాబోతున్నారు. శ్రీ చక్రాస్‌ ఎంటర్‌టైన్‌మెంట్‌ పతాకంపై శ్రీమతి చింతా వరలక్ష్మీ సమర్పణలో చింతా వినీషా రెడ్డి, చింతా గోపాలకృష్ణ రెడ్డి నిర్మిస్తున్న ఈ చిత్రానికి వినయ్‌ రత్నం దర్శకుడు. వంశి తుమ్మల, సంధ్య వశిష్ట హీరో, హీరోయిన్స్‌గా నటిస్తున్న ఈ చిత్రం టైటిల్‌ గ్లింప్స్‌ను సోమవారం కథానాయకుడు కార్తీకేయ విడుదల చేశారు.

ఈ సందర్భంగా ఆయన చిత్ర బృందానికి శుభాకాంక్షలు అందజేశాడు. ఈ సందర్భంగా నిర్మాతలు మాట్లాడుతూ ” యంగ్‌స్టర్స్‌ అంతా కలిసి చేసిన ఫ్రెష్‌ ఫీల్‌ వున్న చిత్రమిది. మెల్లకన్ను ఉన్న యువకుడు ఇన్‌సెక్యూర్‌తో కళ్ళద్డాలు పెట్టుకుని లైఫ్‌ని మేనేజ్‌ చేస్తుంటాడు. అలాంటి అబ్బాయి లవ్‌లో పడితే ఏం జరుగుతుంది అనే ఓ ఫన్‌ డ్రామా చుట్టు జరిగే కథ ఇది. బ్యూటిఫుల్‌ విలేజ్‌ డ్రామాగా రూపొందుతున్న ఈ చిత్రంలో ప్రతి పాత్ర, ప్రతి సన్నివేశం ఎంతో సహజంగా ఉంటుంది. చిత్రంలో అన్ని ఎమోషన్స్‌ ఉంటాయి. కొత్తదనం కోరుకునే ప్రేక్షకులకు పూర్తి సంతృప్తినిచ్చే చిత్రమిది’ అన్నారు. వంశీ తుమ్మల, సంధ్య వశిష్ట, కల్పలత గార్లపాటి, తులసి, కిట్టయ్య, గోపీనాథ్‌ (గోపీ హ్యాపీ), శివకుమార్‌ మట్ట, అరుణ్‌కుమార్‌, శంకర్‌, నాయుడు ఫణి తదితరులు నటిస్తున్న ఈ చిత్రానికి రచన & దర్శకత్వం- వినయ్ రత్నం, నిర్మాత – చింతా వినీషా రెడ్డి, చింతా గోపాలకృష్ణ రెడ్డి. సహ నిర్మాత- చింతా రాజశేఖర్ రెడ్డి.