Bandla Ganesh: పాపను దత్తత తీసుకున్న బండ్లన్న.. మంచి మనసుకు నిదర్శనమిదే

Bandla Ganesh బండ్ల గణేష్ మంచి మనసుకు తాజాగా మరో ఉదాహరణ నిలిచే అంశం తెలిసింది. బండ్ల గణేష్ ఇద్దరు కుమారులు, ఒక కూతురు ఉందన్న సంగతి తెలిసిందే. తన కొడుకులిద్దరినీ సోషల్ మీడియాలో బండ్లన్న పరిచయం చేశాడు. ఇక తన కూతురిని ఏకంగా ఓంకార్ షోకి తీసుకొచ్చాడు. బండ్లన్న తన పిల్లల గురించి అందరికీ చెప్పేశారు. అయితే తాజాగా బండ్లన్న ఇంట్లో ఓ చిన్న పాప కూడా పెరుగుతోంది.

ఆ పాపను బండ్లన్న దత్తత తీసుకున్నాడట. నేపాలీ పాపను తాను పెంచుకుంటున్నట్టు తెలిపాడు. పాపను ఏడుస్తుంటే.. వాళ్ల అమ్మ దగ్గర ఏమీ లేక కేవలం పాలు మాత్రమే పట్టేదట. నా భార్య అలా చూసి.. మనం పెంచుకుందామని చెప్పింది. అలా ఇప్పుడు ఈ పాప మా ఇంట్లోకి ఓ మెంబర్ అయిపోయింది.. అందరూ కుక్కలు, పిల్లులు అని పెంచుకుంటారు. వాటి కోసం ఎంతో ఖర్చు పెడుతుంటారు.

నేను మాత్రం ఈ పాపను పెంచుకుంటున్నాను అని బండ్ల గణేష్ తెలిపాడు. మొత్తానికి ఆ పాప బాధ్యత తనది అని, మంచిగా పెంచాలి.. గొప్పగా చదివించాలని బండ్లన్న తెలిపాడు. ఇప్పుడు ఆ పాపే అందరినీ బెదిరించే స్థాయికి వచ్చిందని బండ్లన్న సరదాగా వ్యాఖ్యలు చేశాడు. మొత్తానికి ఓ పాపకు మాత్రం బండ్లన్న జీవితాన్ని ఇచ్చాడు. దాన్ని బట్టే బండ్లన్న ఎంత మంచి వాడన్నది తెలుస్తోంది.