• August 15, 2025

 ‘మటన్ సూప్’ టైటిల్ పోస్టర్‌ను విడుదల చేసిన ప్రముఖ నిర్మాత కేఎస్ రామారావు

 ‘మటన్ సూప్’ టైటిల్ పోస్టర్‌ను విడుదల చేసిన ప్రముఖ నిర్మాత కేఎస్ రామారావు

    రామకృష్ణ వట్టికూటి సమర్పణలో అలుక్కా స్టూడియోస్, శ్రీ వారాహి ఆర్ట్స్, భవిష్య విహార్ చిత్రాలు (BVC) బ్యానర్లపై రమణ్, వర్ష విశ్వనాథ్ హీరో హీరోయిన్లుగా రామచంద్ర వట్టికూటి తెరకెక్కిస్తున్న చిత్రం ‘మటన్ సూప్’. మల్లిఖార్జున ఎలికా (గోపాల్), అరుణ్ చంద్ర వట్టికూటి, రామకృష్ణ సనపల నిర్మాతలుగా రానున్న ఈ నూతన చిత్రానికి సంబంధించిన టైటిల్ పోస్టర్‌ను ప్రముఖ నిర్మాత కేఎస్ రామారావు విడుదల చేశారు.

    ఇండిపెండెన్స్ డే సందర్భంగా ఆగస్ట్ 15న ఈ నూతన సినిమాకు సంబంధించిన పోస్టర్‌ను విడుదల చేశారు. అనంతరం కేఎస్ రామారావు మాట్లాడుతూ.. ‘పర్వతనేని రాంబాబు సారథ్యంలో అలుక్కా స్టూడియోస్, శ్రీ వారాహి ఆర్ట్స్, భవిష్య విహార్ చిత్రాలు (BVC) బ్యానర్లపై రామచంద్ర వట్టికూటి దర్వకత్వంలో రాబోతోన్న చిత్రం ‘మటన్ సూప్’. టైటిల్ పోస్టర్ బాగుంది. చిత్రయూనిట్‌కు ఆల్ ది బెస్ట్. సినిమా పెద్ద హిట్ అవ్వాలని కోరుకుంటున్నాను’ అని అన్నారు.

    మల్లిఖార్జున ఎలికా (గోపాల్) మాట్లాడుతూ.. ‘మా ‘మటన్ సూప్’ టైటిల్ పోస్టర్‌ను విడుదల చేసిన లెజెండరీ ప్రొడ్యూసర్ కే ఎస్ రామారావు గారికి ధన్యవాదాలు. మా టీం అందరికీ ఆయన ఆల్ ది బెస్ట్ తెలిపారు. త్వరలోనే మేం ఆడియెన్స్ ముందుకు రాబోతోన్నాం. మంచి చిత్రంతో రాబోతోన్న మా అందరినీ ఆడియెన్స్ ఆదరిస్తారని ఆశిస్తున్నాను’ అని అన్నారు.

    హీరో రమణ్ మాట్లాడుతూ.. ‘నా ఫ్రెండ్ రామచంద్ర మంచి కథతో ‘మటన్ సూప్’ తెరకెక్కిస్తున్నారు. మా టైటిల్ పోస్టర్, మోషన్‌ పోస్టర్ అద్భుతంగా వచ్చింది. మా కోసం వచ్చి సపోర్ట్ చేసిన నిర్మాత కేఎస్ రామారావు గారికి థాంక్స్. సినిమా అద్భుతంగా వస్తోంది. పగలు రాత్రి అన్న తేడా లేకుండా మేం అంతా కష్టపడుతున్నాం. మేం తీస్తున్న ఈ మంచి చిత్రాన్ని అందరూ ఆదరిస్తారని ఆశిస్తున్నాను’ అని అన్నారు.

    రామచంద్ర వట్టికూటి మాట్లాడుతూ.. ‘రామకృష్ణ వట్టికూటి సమర్పణలో అలుక్కా స్టూడియోస్, శ్రీ వారాహి ఆర్ట్స్, భవిష్య విహార్ చిత్రాలు (BVC) బ్యానర్లపై పర్వతనేని రాంబాబు గారి సారథ్యంలో నేను తెరకెక్కిస్తున్న చిత్రం ‘మటన సూప్’. మా మూవీ టైటిల్ పోస్టర్‌ను రిలీజ్ చేసిన నిర్మాత కేఎస్ రామారావు గారికి ధన్యవాదాలు’ అని అన్నారు.