Currency Nagar Review : కరెన్సీ నగర్ రివ్యూ.. ఆకట్టుకునే ఆంథాలజీ

Currency Nagar Movie Review డిఫరెంట్ కాన్సెప్ట్ మూవీస్‌కు ప్రస్తుతం ఆదరణ ఎక్కువగా ఉంటోంది. ఈ క్రమంలోనే ఆంతాలజీ థ్రిల్లర్ నేపథ్యంలో కరెన్సీ నగర్ అనే సినిమాను ఉన్నతి ఆర్ట్స్ బ్యానర్ పై ముక్కాముల అప్పారావు , డా కోడూరు గోపాల కృష్ణ నిర్మించారు. యడ్లపల్లి మహేష్, స్పందన సోమన, కేశవ, రాజశేఖర్, చాందిని , సుదర్శన్ ప్రధాన పాత్రల్లో నటిస్తున్న ఈ సినిమా ద్వారా వెన్నెల కుమార్ పోతేపల్లి దర్శకుడిగా పరిచయం అవుతున్నారు. డిసెంబర్ 29న థియేటర్స్ లో విడుదలైన ఈ సినిమా ఎలా ఉందో రివ్యూ లో చూద్దాం…

కథ:
సత్య (సుదర్శన్) కు ఐదు లక్షల రూపాయలు అవరసం పడతాయి. ఎలా అయినా సరే ఆ డబ్బులు సంపాదించాలని అనుకుంటాడు. చివరకు దొంగతనం చేసి అయినా సరే డబ్బు సంపాదించాలని ఫిక్స్ అవుతాడు. ఈ క్రమంలో ఓ చోట బంగారం ఉందని తెలుసుకున్న సత్య అక్కడికి వెళతాడు. అక్కడ సత్యకు ఒక విచిత్రమైన సంఘటన ఎదురవుతుంది. మాట్లాడే ఒక ఇనుప పెట్టలో బంగారం ఉంటుంది. ఆ బంగారం తీసుకోవాలనే క్రమంలో ఇనుము పెట్ట సత్యతో మూడు కథలు చెబుతుంది. విక్రమార్కుడు బేతాళుడు టైపులో సాగుతుంది. ఆ మూడు కథల్లో.. మొదటిది మానవ సంబంధాల గురించి, రెండో కథ ప్రేమ , మోసం గురించి, మూడో కథ అమ్మాయి ప్రేమను దక్కించుకోవడం కోసం అబ్బాయి చేసే తప్పులు.. ఇలా మూడు కథలు విన్న తరువాత సత్య తీసుకున్న నిర్ణయం ఏంటి? అసలు సత్య అక్కడికి ఎందుకు వెళ్ళవలసి వచ్చింది? అతనికి కావాల్సిన ఐదు లక్షలు దొరికాయా ? నిజంగానే ఇనప పెట్టే మాట్లాడిందా ?అనేది థియేటర్లో చూడాల్సిందే.

ఈ చిత్రంలో ప్రతీ పాత్రకు ఓ స్కోప్ ఉంది. ప్రతీ కారెక్టర్‌కు కావాల్సినంత ఇంపార్టెన్స్ ఉంది. ఒక్కో కథలో ఒక్కో యాక్టర్ తన ప్రతిభను చూపించాడు. సినిమా ఆసాంతం కనిపించిన సుదర్శన్ తన శైలిలో నటించి మెప్పించాడు. యడ్లపల్లి మహేష్, స్పందన సోమన, కేశవ, రాజశేఖర్, చాందిని , సుదర్శన్, గౌతమ్ వారి పాత్రల పరిధి మేరకు బాగా నటించారు

ఇలాంటి కాన్సెప్టులు ప్రత్యేకంగా చిన్న పిల్లల్ని ఆకట్టుకుంటాయి. ఇలాంటి ఆంథాలజీ కథలు ఎక్కువగా ఓటీటీలో ఆకట్టుకుంటాయి. నాలుగు రకాల కథలు చెప్పడం, వాటి నుంచి సందేశాలను ఇవ్వాలనుకోవడంలో దర్శకుడి టేస్ట్ కనిపిస్తుంది. అయితే చివర్లో ఇచ్చే ట్విస్ట్ అందరినీ ఆకట్టుకుంది. ఫస్ట్ హాఫ్ అంతా కూడా సరదా సరదాగా సాగుతుంటుంది. సెకండాఫ్‌లో కాస్త ఎమోషనల్ అనిపిస్తుంది. క్లైమాక్స్‌లో వచ్చే ట్విస్ట్ అందరినీ ఆశ్చర్యపరుస్తుంది.

కేశవ , చాందిని ఎపిసోడ్ సినిమాకు బాగా వర్క్ ఔట్ అయ్యింది. మొదటి కథ “పెయిన్” లో అమ్మ క్యారెక్టర్ చిన్నది అయినా బాగా వర్కౌట్ అయింది. ప్రీ క్లైమాక్స్ సినిమాకు మెయిన్ ప్లస్. క్లైమాక్స్ ఎవ్వరూ ఊహించని విధంగా ఉంటుంది. ఇలాంటి కథ, కథనాలతో థియేటర్ లో వచ్చిన మొదటి సినిమాగా కరెన్సీ నగర్ గా చెప్పుకోవచ్చు. అన్ని వర్గాల ప్రేక్షకులకు కనెక్ట్ అయ్యే విధంగా దర్శకుడు వెన్నెల కుమార్ ఈ సినిమాను తెరకెక్కించారు.

కథ చూస్తుంటే మన చిన్నప్పుడు చదివిన బేతాళ కథలు గుర్తుకు వస్తుంది కానీ కథలు మాత్రం చాలా కొత్తగా ఉన్నాయి. తెరమీద చూసి అనుభూతి చెందాల్సిన సినిమా కరెన్సీ నగర్. టెక్నికల్ పరంగా.. సంగీతం అందించిన సిద్ధార్థ్ సదాశివుని, పవన్ పాటలతో పాటు నేపధ్య సంగీతం బాగా అందించారు. సినిమాకు ప్లస్ అయ్యింది. ఎడిటర్ కార్తిక్ కట్స్ వర్క్ నీట్ గా ఉంది. అలాగే సినిమాటోగ్రఫీ సతీష్ రాజబోయిన కెమెరా వర్క్ సూపర్బ్, విజువల్స్ బాగున్నాయి.

రేటింగ్ 3