Bigg Boss 5 Telugu బిగ్ బాస్ ఇంట్లో లోబో కథ ముగిసింది. ఎంటర్టైనర్ అని తనకు తాను పేరు ఇచ్చుకోవడం గత సీజన్ నుంచి మొదలైంది. అవినాష్ కూడా అంతే తనుకు తాను ఎంటర్టైనర్ అని చెప్పుకున్నాడు. అదే కాస్త అతిగా మారింది. అలా అతితో అవినాష్ అందరినీ విసిగించాడు. చివరకు టాప్ 5 వరకు కూడా ఉండలేదు. ఎంటర్టైన్ చేయాలి.. కానీ చేస్తున్నామనే భ్రమలో ఉండకూడదు.
ఈ సారి ఐదో సీజన్‌లోనూ అంతే. లోబో అందరినీ నవ్విస్తాడు అని అంతా అనుకున్నారు. కానీ ఎక్కడా కూడా నవ్వించలేకపోయాడు. ఎందుకు అరిచేవాడో ఎవ్వరికీ అర్థమయ్యేది కాదు. ఎప్పుడు ఎవరికి మద్దతు ఇస్తాడు.. ఎవరి సైడ్ ఉంటాడో కూడా తెలియదు. ఒక్కోసారి రవి కోసం మాత్రమే గేమ్ ఆడుతున్నట్టు కనిపించేది. చివరకు సీక్రెట్ రూంలోకి వెళ్లే చాన్స్ వచ్చింది.
అక్కడి నుంచి వచ్చాకైనా లోబో ఆట తీరు మారుతుందేమో? అని అంతా ఆశించారు. కానీ అది కూడా నెరవేరలేదు. సీక్రెట్ రూం కూడా ఈ సారి ఫెయిల్ అయింది. లోబో మొత్తంగా జనాలను మాత్రం ఎంటర్టైన్ చేయలేకపోయాడు. దీంతో ఈ వారం బిగ్ బాస్ ఇంటి నుంచి బయటకు వచ్చేశాడని తెలుస్తోంది. అయితే లోబో ఎలిమినేషన్ ఆదివారం నాటి ఎపిసోడ్‌లో జరుగుతుంది. అంత వరకు వేటినీ కూడా వంద శాతం నమ్మలేదు. ఇంతకీ ఆదివారం నాటి ఎపిసోడ్‌లో ఏం జరుగుతుందో చూడాలి.
